(“मुखं” म्हणजे तोंडाचे) (“सौमित्र” माता सुमित्राचा पुत्र – दशरथ राजाची राणी सुमित्रा हिचा मुलगा   म्हणजे लक्ष्मण) (“सौमित्रवत्सल” म्हणजे लक्ष्मणावर प्रेम करणाऱ्या)  

माझ्या मुखाचे रक्षण लक्ष्मणावर प्रेम करणाऱ्या प्रभू श्रीरामचंद्रांनी करावे.

माझ्या मुखातून बाहेर पडणाऱ्या शब्दांवर आता रक्षक आहे.

मी आणि मूळ स्त्रोत (सोअर्स एनर्जी) यांच्या तील संपर्क तुटेल असे कोणतेही शब्द आता माझ्या वाणीद्वारे उच्चारलेच जात नाहीत.

मुखाचे म्हणजे वाणीचे / शब्दांचे बोलण्याचे रक्षण एवढाच मर्यादित अर्थ नसून मुख म्हणजे संपूर्ण चेहेरा असाही अर्थ अभिप्रेत आहे.

आपले व्यक्तिमत्व आपल्या चेहेऱ्यावर बरेचसे अवलंबून असते,  त्याचे रक्षण सौमित्रवत्सल म्हणजे प्रभू श्रीरामचंद्रांनी करावे.

माझ्या चेहऱ्यावर कपट नको. दाखवायचा चेहरा एक आणि त्यामागे वेगळंच कोणीतरी लपलेले असं जीवन नको. त्या मूळ स्त्रोताशी (सोअर्स एनर्जीशी) माझा संपर्क निरंतर असावा म्हणून माझ्या मुखाचे रक्षण प्रभू श्रीरामचंद्रांनी करावे.